Аграрлық факультетінің ғалымдары Республикалық форумға қатысты

2024 жылдың 9 ақпанында М.Әуезов атындағы ОҚУ Аграрлық факультетінің ғалымдары «Аманат» партиясы Шымкент қалалық филиалының ұйымдастыруымен өткен «Гендерлік теңдік – елдің өркендеуінің кепілі» атты республикалық форумға қатысты. Шара ғылым саласындағы әйелдердің кәсіби мерекесіне орайластырылды. Форумда әйелдердің қазіргі жағдайы мен ғылымдағы жетістіктері мәселелері талқыланды. Форум барысында «Аманат» партиясы атынан ғылымдағы және мемлекеттік қызметтегі еңбектері үшін әйелдерге алғыс хаттар табыс етілді. Олардың қатарында Аграрлық факультетінің «Ветеринарлық медицина» кафедрасының меңгерушісі, PhD доктор Кузербаева А.Т. болды.

Алдағы уақытта да ғылыми жетістіктер тілей отырып құттықтаймыз!