Аграрлық факультетінің деканы «Бесқоше өнімдері» кооперативі төрағасының орынбасары және «Bolashak Ontustik» қоғам қорының директорымен кездесу өткізді

2023 жылдың 24 наурызында «Бесқоше өнімдері» кооперативі төрағасының орынбасары Жиенбай Дархан Асантайұлы және «Bolashak Ontustik» қоғам қорының директоры Тұребекова Гаухар Закиқызы М.Әуезов атындағы Оңтүстік Қазақстан университетінің аграрлық факультетінде болды. Қонақтарды малдың азықтық рационын байыту үшін ақуызға бай майбұршақ дақылын өсіруге қатысты мәселелер қызықтырды. Гүлнәр Рахымбердіқызы майбұршақтың 10-нан астам аудандастырылған орта және кеш пісетін, технология сақталса өте жоғары өнім беретін сорттарын ұсынды. Кездесу барысында қонақтарға факультет қызметі туралы ақпарат беріліп, екіжақты ынтымақтастық мүмкіндіктері талқыланды.