Жаңалықтар
Түркістанда "Әуезов университетінің күндері" өтті
2023 жылғы 17-19 сәуір аралығында Түркістан облысы мәдениет басқармасының көпсалалы "Конгресс-холл" кешенінде М. Әуезов атындағы ОҚУ басқарма төрағасы -ректор, тарих ғылымдарының докторы, профессор Дария Пернешқызы Қожамжарованың бастамасымен "Әуезов университетінің күндері" өтті. Іс-шараның мақсаты Түркістан қаласы мектептерінің түлектерін М. Әуезов атындағы Оңтүстік Қазақстан университетінің 129 білім беру бағдарламасымен таныстыру болды.
Конгресс-холл фойесінде университеттің жетістіктер көрмесі ұйымдастырылды, онда декандар өз факультеттері туралы, нақты мамандықтарды меңгеру ерекшеліктері, одан әрі жұмысқа орналасу мүмкіндіктері туралы әңгімеледі.
Аталған іс-шараға қонақтар, ғалымдар, университет студенттері, академиялық ұтқырлық бағдарламасы бойынша шетелде оқыған студенттер қатысты.
Іс-шара аясында арнайы концерттік бағдарлама ұйымдастырылды. Әр күннің соңында лотерея ұтыс ойыны өткізілді. Нөмірлері ұтысты болған лотерея жеңімпаздарына құлаққаптар, электронды сағаттар мен планшеттер берілді.
