Жаңалықтар
Аграрлық факультетінің студенттері «Менің алғашқы стартапым» бизнес жобалар байқауына қатысты
2024 жылдың 27 ақпанында М.Әуезов атындағы Оңтүстік Қазақстан университетінің кәсіпкерлік және коммерцияландыру департаменты ұйымдастырған «Менің алғашқы стартапым» бизнес-жобалар байқауына Аграрлық факультетінің 6 студенті қатысты. Байқаудың мақсаты студенттер мен магистранттар арасында инновациялық жобаларды анықтау және іріктеу, сондай-ақ білім беру ортасында инновациялық кәсіпкерлікті насихаттау болды.
Студенттеріміз жылыжайда лимон өсіру технологиясын әзірлеу (авторы: Айдар Сайдазимов); шоколадтағы құлпынай дайындау (авторы: Ерік Азамат); «Қайнар-Бұлақ» оқу-тәрбие шаруа қожалығының егіс алқабында қуаңшылыққа төзімді мал азықтық өсімдіктердің көшетжайын жасау (авторлары: Асқар Нұртілек, Мыңбай Диана, Мыңжасар Аяулым); мекемелерде, кәсіпорындарда және жеке секторда жасыл желектерді суару үшін ауыз суды пайдалануды жою (авторы: Қуанышбек Ұлданай) және балалар кітапханасын ашу (авторы: Дәрібаева Асылжан) сияқты өзекті мәселелерді шешуге бағытталған жаңа жобаларды қорғады.
