Жаңалықтар
Аграрлық факультет ғалымдары онлайн режимде халықаралық форум өткізді
- Қаралды: 8
2024 жылдың 4 желтоқсанында Аграрлық факультетінің «Өсімдік және мал шаруашылығы» кафедрасының ғалымдары «Тозған суармалы жерлердің құнарлылығын арттырудың инновациялық технологиялары» тақырыбында топырақтанушы ғалымдардың халықаралық онлайн форумын өткізді. Іс-шараны университеттің ғылыми жұмыстар және инновациялар жөніндегі проректоры, техника ғылымдарының докторы У.С. Сүлейменов ашты. Алғашқы сөзді факультет деканы, ауыл шаруашылығы ғылымдарының кандидаты, ҚР ҰАҒА корреспондент-мүшесі Г.Р. Тастанбекова алды.
Жетекші қатысушылар Қазақстан (Алматы, Шымкент), Ресей (Мәскеу), Әзірбайжан (Баку), Өзбекстан (Ташкент, Нүкіс) елдерінің топырақтану саласындағы белгілі мамандары болды.
Форумға қатысушылардың сұрақтарына жан-жақты жауаптар берілді. Жиын шараның спикерлері мен ғалымдарына сертификаттар тапсырумен аяқталды.
