Студенттің Арнау кеші

9 қараша күні 2013 жылы Агроөнеркәсіп факультетінде Студенттің Арнау кеші болып өтті. Осы кеште Агроөнеркәсіп факультетінің деканы Ә.Жылқыбаев, ОҚМУ-дың суденттік ректоры С. Мырзатай және әр факультеттердің студенттік декандары құрметті қонақ болды.

Кеште Агроөнеркәсіп факультетінің белсенді студенттері алқамен және мақтау қағаздарымен марапатталады. 1-курс студенттеріне «Студенттік билет» пен «Білім кілті » табысталды.

Кеште жігіттермен қыздар өте жақсы өнер көрсетті. Ұлттық ән мен билер, шығыс билері мен әндерін ұқыпты түрде орындады. Оқу ордамыздың әзілқойларынан құралған «TehTown» және «Қарапайым жігіттер » КВН командалары кереметтей әзілдерімен көрермендерге көтеріңкі көңіл күй сыйлады.