Аграрлық факультет деканы Ташкент мемлекеттік аграрлық университетінің магистранттары мен докторанттарына дәріс өткізді

Ташкент мемлекеттік аграрлық университеті басшылығының шақыруымен 2023 жылғы 12 мамырында Аграрлық факультет деканы, ауыл шаруашылығы ғылымдарының кандидаты Гүлнәр Тастанбекова Өсімдіктерді қорғау, агрохимия және топырақтану факультетінің магистранттары мен докторанттарына дәріс өткізді.

Г.Р. Тастанбекованың ғылыми қызығушылық саласы негізгі ауыл шаруашылығы және көкөніс-жеміс дақылдарының тәлімі және суармалы жерлерде өсіру технологияларын, ауыспалы егістер, органикалық егіншілік зерттеумен байланысты. Осы кездесуде "Оңтүстік Қазақстанның сұр топырақтарындағы майбұршақ дақылының өнімділігіне микроэлементтердің әсері" тақырыбында дәріс өткізілді.

Ташкент мемлекеттік аграрлық университетінің басшылығы Гүлнәр Тастанбековаға жас ғалымдарға бірегей дәріс оқығаны үшін алғыс білдіріп, сертификат табыс етті.