Жаңалықтар
Аграрлық факультет деканы халықаралық конференция жұмысына қатысты
2023 жылғы 4 тамызда Аграрлық факультет деканы Гүлнәр Тастанбекова Түркістанда өткен "Экологиялық жағдайды жасыл желектерді дамыту жолымен жақсарту және ауыл шаруашылығы дамуындағы мәселелер" атты Халықаралық ғылыми-практикалық конференцияның жұмысына қатысты. Күн тәртібінде Түркістан өңірінің жасыл аймағының көлемін ұлғайту және күтіп ұстау мәселелері қамтылды. Іс-шара соңында мамандар Түркістанда жаңа технологияларды енгізумен, тұқым учаскесін қалыптастырумен және оны одан әрі кеңейтумен өңірдің топырақ-климаттық жағдайларына бейімделген ағаш-бұта өсімдіктерін отырғызу қажет деген қорытындыға келді.
Түркістан облысының 5 жылдығына және Қазақстан Республикасы Ауыл шаруашылығы ғылымдары академиясының орталығын ашуға арналған Түркістан облысының Табиғи ресурстар және табиғат пайдалануды реттеу басқармасы ұйымдастырған іс-шараға Түркістан облысы әкімінің орынбасары Е.Кенжеханұлы, ҚР Ауыл шаруашылығы ғылымдары академиясының президенті Т.Есполов, орман шаруашылығының басшылары мен мамандары, экологтар, сондай-ақ Қазақстан, Қырғызстан, Өзбекстан, Үндістан және Пәкістаннан белгілі ғалымдар қатысты.
