Жаңалықтар

2024 жылдың 12 желтоқсанында Мұхтар Әуезов атындағы Оңтүстік Қазақстан университетінің Аграрлық факультетінің "Су ресурстары, жерді пайдалану және агротехника" кафедрасының ғалымдары "Су ресурстарын тұрақты басқару" тақырыбында халықаралық онлайн-форум өткізді.

Форум ғылыми жұмыс және инновациялар жөніндегі проректор Ұлан Сейітқазыұлы Сүлейменов пен Аграрлық факультеттінің деканы Гүлнара Рахымбердіқызы Тастанбекованың құттықтау сөздерімен ашылды. Қатысушылар су ресурстарын тиімді басқару үшін ғылым, білім және тәжірибені біріктірудің маңыздылығын атап өтті.

Іс-шараға Қазақстан, Ресей, Өзбекстан және Малайзияның жетекші ғалымдары, сарапшылары, оқытушылары мен бизнес өкілдері жиналған 200-ден астам адам қатысты. Форум климаттық өзгерістер жағдайында су ресурстары саласындағы инновациялар, сын-қатерлер мен перспективаларды талқылаудың негізгі алаңына айналды.