Жаңалықтар

2023 жылдың 19 қыркүйегінде М.Әуезов атындағы ОҚУ №5 жатақханада тұратын студенттер үшін Аграрлық факультетінің 20 жылдығына арналған «Деканмен салтанатты кеш» атты дастархан жайылды. Кешті Аграрлық факультет деканы Г.Р.Тастанбекова және факультет ұжымы ұйымдастырды. Кешкі ас үстінде Гүлнәр Рахымбердіқызы студенттік жылдары туралы айтып, студенттерді нормативтік құжаттармен таныстырып, оқудағы жетістіктері үшін жоғарылатылған шәкіртақы алу мүмкіндігін айтып, студенттерге алдағы сессияға сәттілік тіледі. Сонымен қатар, студенттер алдында кафедра меңгерушілері А.Қ.Жылқыбаев, П.С. Сұлтанбекова, А.Т. Күзербаева сөз сөйледі. Кешкі ас барысында студенттер өздерін қызықтырған сұрақтарын қойып, оларға жан-жақты жауаптар алды.