Жаңалықтар

Түркістан облысы Кәсіпкерлер палатасының шақыруымен 2024 жылдың 30 қаңтарында «Өсімдік шаруашылығы және мал шаруашылығы» кафедрасының меңгерушісі Ә.К. Жылқыбаев, профессор Ж.Ә. Паржанов және ауыл шаруашылығы ғылымдарының кандидаты Ж.С. Әбдірайымов Білім тарату орталығының салтанатты ашылуына қатысты. Шараға қатысушылар ауыл шаруашылығы саласындағы жеке кәсіпкерлікті қолдау мақсатында ахуалдық орталық ашу қажеттігі туралы ұсынысты қолдады. «Агрокеңес беру» орталығының басшысы Н.Н.Боранбаевтың айтуынша, БТО демонстрациялық алаңында фермерлер агротехнологиялық шараларды оңтайлы мерзімде жүргізу арқылы органикалық егіншілік элементтері бар дақылдарды өсірудің қарқынды технологияларымен танысады. Сондай-ақ, соңғы жылдардағы фитосанитарлық жағдайдың нашарлауын ескере отырып, зиянкестерге қарсы шараларды күшейту бойынша тиісті кеңестер берілетін болады.